ბათუმის დინამომ კონსტანტინ ფროლოვი გაათავისუფლა. უკრაინელი სპეციალისტი დინამოში 2017 წლის მაისიდან მუშაობდა. მის ნაცვლად, სეზონის ბოლომდე მთავარი მწვრთნელის პოსტს ბათუმის დინამოს ვეტერანი - ასლან ბალაძე ჩაიბარებს.
ასლან ბალაძე: "მე ძალიან კარგად ვიცი, გუნდი რა მძიმე სატურნირო მდგომარეობაშია. ასეთ დროს მთავარ მწვრთნელად მისვლა უდიდეს სირთულეებს უკავშირდება, მაგრამ ბათუმის "დინამო" ჩემთვის ოჯახია, რომელზეც უარს ვერასოდეს ვიტყვი. ახლა აწონ-დაწონის დრო არ არის. ვისაც შეგვიძლია, ყველაფერი უნდა გავაკეთოთ იმისთვის, რომ ბათუმის "დინამომ" ეროვნულ ლიგაში ადგილი შეინარჩუნოს."
