იბერია 1999 მალმიოსთან გავარდა და ესტონელებთან ითამაშებს

იბერია 1999-მა ჩემპიონთა ლიგის პირველი საკვალიფიკაციო ეტაპის მეორე მატჩიც წააგო შვედურ მალმიოსთან. ამჯერადაც 1:3. 

საქართველოს ჩემპიონს მომენტები ჰქონდა, მაგრამ ერთხელ გაიტანა. ეს მოხდა მსაჯის მიერ დამატებულ წუთებზე. შეცვლაზე შესულმა ამირან ძაგანიამ შორიდან დარტყმით შეამცირა სხვაობა. 

მალმიო-იბერია 1999  3:1

გოლები: 1:0 ალი (55), 2:0 იანსონი (59), 3:0 ალი (89), 3:1 ძაგანია (90+2)

გაძევება: გ. მამაგეიშვილი (62)

იბერია 1999: მაკარიძე, გ. ტაბატაძე (ახვლედიანი 86), ჯგერენაია, აგიაკვა, ზოური, ქარდავა (ძაგანია 66), გ. მამაგეიშვილი, დადიანი, სილაგაძე (ვრბანეცი 61), ი. ტაბატაძე (ქობულაძე 86), რუშევიჩი (ნ. ხორხელი 61)

იბერია 1999 კონფერენციის ლიგაში გადაინაცვლებს. მეტოქე ესტონეთის ლევადია ეყოლება. პირველი თამაში 22 ივლისს ტალინში გაიმართება, მეორე კი 29 ივლისს თბილისში. ლევადიაც თავისი ქვეყნის ჩემპიონია და ჩემპიონთა ლიგის პირველ საკვალიფიკაციო ეტაპზე ლატვიურ რფს-თან გავარდა - 0:1, 0:1.