კალენდარი

შაბათი, 3 აგვისტო

შაბათი, 10 აგვისტო

ახალი ამბები

ტური 15: დილამ და სამგურალმა კვლავ მოიგეს

კრისტალბეთ ეროვნულ ლიგაში მე-15 ტური დაიწყო. ლიდერი გორის დილა შინ აგებდა დინამო თბილისთან და მაინც მოახერხა მოგება. დინამოელებმა მატჩი ცხრა ფეხბურთელით დაამთავრეს.

წყალტუბოს სამგურალმა კი დიდი ანგარიშით დაამარცხა აუტსაიდერი სამტრედია.     

სამგურალი 4:0 სამტრედია 

სამგურალმა შინ დიდი ანგარიშით მოუგო აუტსაიდერ სამტრედიას და მეექვსე ადგილზე გადავიდა. წყალტუბოელებმა ოთხივე გოლი პირველ ტაიმში გაიტანეს.

მე-13 წუთისთის უკვე დუბლი ჰქონდა შესრულებული გიორგი ფანცულაიას, რომელმაც ჯერ ლუკა ხორხელის წაქცევისთვის დანიშნული პენალტი გამოიყენა, მერე კი ჟან კარლოსის პასით პირისპირ დარჩა მეკარესთან და 2:0 გახადა ანგარიში.

ამას მოჰყვა დემურ ჩიხლაძის შორიდან გატანილი, ხოლო პირველი ტაიმის ბოლოს ალექსანდრე ვერულიძემ მიითვალა გოლი. სხვათა შორის, ვერულიძემ ზედიზედ მესამე ტურში მოახერხა გატანა... საბოლოოდ 4:0.

დილა 2:1 დინამო თბ 

გორის დილამ კვლავ მოიგო. დინამო თბილისთან პირველი ტაიმის შემდეგ აგებდა და შემოატრიალა თამაში - 2:1.

დილა ლიდერია და 12 ტურია არ დამარცხებულა. დინამო თბილისი კი მეხუთე ადგილზე რჩება და დილას უკვე 16 ქულით ჩამორჩება.

დინამოელები სწრაფი გოლით გავიდნენ წინ, კერძოდ, ნიკოლოზ უგრეხელიძემ თავური შეასრულა...

მეორე ტაიმის საწყის წუთებში დილას პორტუგალიელმა ნახევარმცველმა ჟოაუ ნობრეგამ შორიდან ზუსტი დარტყმით გაათანაბრა. ეს ნობრეგას პირველი გოლია კრისტალბეთ ეროვნულ ლიგაში.

55-ე წუთზე დინამო ათი კაცით დარჩა, რადგან ალექსანდრე კალანდაძემ მეორე ყვითელი ბარათი მიიღო. 82-ე წუთზე კი ჯოშუა აკპუჯეც გააძევეს და დინამომ ცხრა ფეხბურთელით გააგრძელა თამაში.

დილამ ბოლოს მოახერხა გადამწყვეტი გოლის გატანა: ზურაბ რუხაძის ჩაწოდებულს მოჰყვა იბრაჰიმა დრამეს თავური და 2:1.