იბერია 1999-მა ფოთელებს მოუგო

მეშვიდე ტური დაიწყო კრისტალბეთ ეროვნულ ლიგაში. ერთი მატჩი გაიმართა, რომელშიც გიორგი მიქაძის გაწვრთნილმა იბერია 1999-მა ფოთის კოლხეთს 2:1 სძლია.

კოლხეთი 1913 1:2 იბერია 1999 

თბილისის იბერია 1999-მა 2:1 მოუგო ფოთელებს. სტუმართაგან ორივე გოლი აფრიკელებმა გაიტანეს.

პირველი ტაიმის ბოლო წუთებში გაბონელმა შემტევმა ფლორის ჯავიმ გამოზომილი დაბალი დარტყმით მიითვალა სადებიუტო გოლი კრისტალბეთ ეროვნულ ლიგში - 0:1.

ზედ შესვენების წინ კი კოლხეთი 1913 ათი კაცით დარჩა, რადგან საბა ფირანაშვილი გააძევე მეორე ყვითელი ბარათის გამო.

მიუხედავად კაცნაკლულობისა, ფოთელებმა საკმაოდ იბრძოლეს და 50-ე წუთზე დავით ზურაბიანმა გაათანაბრა ანგარიში. ზურაბიანისთვისაც პირველი გოლია ჯრისტალბეთ ეროვნულ ლიგაში.

იბერიელებმა მაინც მოახერხეს გამარჯვება. გიორგი კოხრეიძის ჩაწოდებულს მალელმა შეიკნე სილამ მიაყოლა თავური და 1:2.

იბერია 1999 ამ მომენტისთვის ლიდერია, თუმცა ტურში ოთხი მატცი ჯერ ჩასატარებელია. ფოთელები კი ცხრილის შუაში დარჩნენ.