სამტრედიამ ზედიზედ მესამედ მოიგო; შუქურა-ტორპედო ფრედ დასრულდა

გაიმართა კრისტალბეთ ეროვნული ლიგის 26-ე ტურის ორი მატჩი. სამტრედიამ ზედიზედ მესამედ მოიგო, ამჯერად გაგრასთან. ქობულეთის შუქურასა და ქუთაისის ტორპედოს შეხვედრაში კი გოლი არ გასულა.

სამტრედია 3:1 გაგრა 

სამტრედიამ ბოლო სამი თამაში მოიგო და ჯამში 10 გოლიც გაიტანა. ჩრდილომაკედონიელი დიმიტარ კაპინკოვსკის გაწვრთნილებმა გაგრას 3:1 აჯობეს.

იმერული გუნდი თორნიკე ახვლედიანმა დააწინაურა, მან ზვიად ნაჭყებიას პასი გამოიყენა და ახლოდან გაიტანა. 22-ე წუთე გაგრას ნახევარმცველმა გიორგი ლომთაძემ პენალტი გამოიმუშავა და თავადვე ზუსტად დაარტყა - 1:1.

ტაიმის ბოლოს კი სამტრედიამ ორჯერ მოახერხა გატანა. მათე აბულაძემ პენალტით და ზვიად ნაჭყებიამ ინდივიდუალური გარღვევის შემდეგ. ნაჭყებია სამტრედიელთა საუკეთესო ბომბარდირია 6 გოლით.

გაგრას 7 მატჩია არ მოუგია და აქედან 6 წააგო. გუნდი ბოლოსწინა, მეცხრე ადგილზეა. სამტრედია კი - მერვეზე.  

შუქურა 0:0 ტორპედო 

შუქურამ ზაფხულის შესვენების შემდეგ პირველი ქულა აიღო: 0:0 ქუთაისის ტორპედოსთან.

თავის მხრივ, საინტერესოა, რომ ტორპედომაც კრისტალბეთ ეროვნულ ლიგაში ბოლოს სწორედ შუქურასთან წააგო - შინ 1:2. ეს 28 მაისს.

ტორპედო მეექვსე ადგილზეა, ხოლო შუქურა აუტსაიდერი და 11 ქულით ჩამორჩება ბოლოსწინაზე მყოფ გაგრას.