კალენდარი

პარასკევი, 29 მარტი

შაბათი, 30 მარტი

სამშაბათი, 2 აპრილი

ოთხშაბათი, 3 აპრილი

ახალი ამბები

სამგურალმა ცუდი სერია შეწყვიტა, თელავი-სიონი ფრედ დასრულდა

გაიმართა კრისტალბეთ ეროვნული ლიგის 29-ე ტურის დარჩენილი ორი მატჩი. თელავი-სიონი უგოლოდ დასრულდა, წყალტუბოს სამგურალმა კი მოგების გემო გაიხსენა და სტუმრად სძლია ლოკომოტივს.

თელავი 0:0 სიონი 

უგოლო ფრე კონკურენტებს შორის. 10 ტურია, რაც თელავს არ მოუგია, ხოლო ბოლო 5 ტურია, გოლი არ გაუტანია. კახეთის გუნდი მეშვიდე ადგილზე დარჩა და ისევ ერთი ქულით უსწრებს მერვეადგილოსან ბოლნისის სიონს.

თავის მხრივ, სიონსაც 6-მატჩიანი მოუგებელი სერია აქვს, თუმცა ამ 6 ტურში მხოლოდ ერთხელ წააგო.

ლოკომოტივი 1:4 სამგურალი 

აუტსაიდერი თბილისის ლოკომოტივი საგურამოში 1:4 დამარცხდა წყალტუბის სამგურალთან. იმერეთის გუნდი მეოთხე ადგილზე გადავიდა: სამი წაგების მერე გაიმარჯვა.

37-ე წუთზე ლოკო დაწინაურდა კახა კახაბრიშვილის გოლით. ეს მისი სადებიუტო გოლია ლოკომოტივში.

სამგურალმა პირველივე ტაიმში შესძლო ორი ბურთის გატანა. ჯერ ირაკლი რუხაძემ გაათანაბრა, ხოლო მალევე ნიკიტა სიმდიანკინმა სეზონში პირველი გოლით დააწინაურა წყალტუბოელები. მეორე ნახევარში კი შალვა ბურჯანაძემ და მიხეილ ბაშელეიშვილმაც გამოიჩინეს თავი.

აღვნიშნოთ სამგურალის ბრაზილიელი შემტევის ჯეფერსონ ჯერალდოს ორი საგოლე პასიც.  9 ასისტი მოუგროვდა და ამ მაჩვენებლით პირველ ადგილზე გადავიდა: თბილისის დინამოელ გიორგი მოისწრაფიშვილს (8) გაუსწრო.

სამგურალმა სეზონში ოთხიდან ოთხივე მატჩი მოუგო ლოკომოტივს, საერთო ანგარიშით 13:3.