იბერია 1999
დილა
ტორპედო
დინამო თბ
სამგურალი
დინამო ბთ
გაგრა
გარეჯი
თელავი
კოლხეთი 1913
რუსთავი
სპაერი
მეშახტე
მერანი მრ
სამტრედია
ლოკომოტივი
იბერია 1999-2
სიონი
გონიო
დინამო-2 თბ
გაიმართა კრისტალბეთ ეროვნული ლიგის მე-10 ტურის მატჩები. მოულოდნელი შედეგები ვიხილეთ, რადგან ვერც ლიდერმა მოიგო და ვერც მეორეადგილოსანმა. დიდი ანგარიშებიც დაფიქსირდა... და კიდევ: ქუთაისის ტორპედოსა და დინამო თბილისის დაპირისპირება, მატჩის მიწურულს სტადიონზე მომხდარი არეულობის გამო შეწყდა. ადგილზე განვითარებული მოვლენების გათვალისწინებით, მატჩის გაგრძელება შეუძლებელი გახდა.
შედეგად, მატჩის ოფიციალურმა პირებმა მიიღეს გადაწყვეტილება, რომ ქუთაისის ტორპედოსა და დინამო თბილისის შეხვედრა არ გაგრძელებულიყო. აღნიშნული ინციდენტი, სფფ-ის სადისციპლინო და საფეხბურთო დავების განმხილველ კომიტეტს გადაეცემა.
შეხვედრაში ანგარიში ულამაზესი დარტყმით გიორგი გაბედავამ გახსნა, შეცვლაზე შემოსულმა თორნიკე კირკიტაძემ ტაბლოზე - 0:2 დააფიქსირა, ხოლო მატჩის მიწურულს - ირაკლი ბუღრიძემ სხვაობის შემცირება მინიმუმამდე შეძლო - 1:2. ზემო აღნიშნულ ფაქტებს, ადგილი მსაჯის მიერ კომპენსირებული დროის ბოლო წუთებზე ჰქონდა, რამაც საბოლოოდ მატჩის შეწყვეტა გამოიწვია.
გაგრამ ზედიზედ მეორე თამაში მოიგო და ისევ ფავორიტთან. გაგა კირკიტაძის გაწვრთნილებმა გორის დილას 1:0 სძლიეს, ეს ერთადერთი გოლი კი მათე კვირკვიამ გაიტანა.
შეგახსენებთ, წინა ტურში გაგრამ ასევე 1:0 გაიმარჯვა თბილისის დინამოსთან და მაშინაც კვირკვიამ გაიტანა.
გაგრა ცხრილის შუაშია, ხოლო დილა მეორეზეა და 4 ქულით ჩამორჩება ლიდერ ბათუმის დინამოს.
სამგურალმა წყალტუბოში 3:0 მოუგო საბურთალოს. 75-ე წუთამდე 0:0 იყო. ანგარიში გრიგოლ დოლიძემ გახსნა, რომელიც კრისტალბეთ ეროვნულ ლიგის ამ სეზონში ყველაზე ასაკოვანი ფეხბურთელია - 39 წლის გახლავთ. შემდეგ დემურ ჩიხლაძემ მეორე გოლი გაიტანა და ბოლოს ლევან ქურდაძემ საბოლოო ანგარიში დააფიქსირა.
საინტერესოა, რომ დოლიძე და ჩიხლაძე შეცვლაზე შევიდნენ.
სხვათა შორის, შეხვედრის დასაწყისში, მე-6 წუთზე საბურთალომ პენალტი ვერ გამოიყენა. ირაკლი სიხარულიძის დარტყმული ბურთი ლევან შოვნაძემ მოიგერია.
ბათუმელთა ხუთმატჩიანი მოგებათა სერია ბოლნისში შეწყდა - 1:1. მოქმედი ჩემპიონი ირაკლი ბიძინაშვილის გოლით იგებდა, 82-ე წუთზე კი თომა ტაბატაძემ გაათანაბრა.
პირველ ტაიმში ბათუმის დინამოს მწვრთნელ გუა გეგუჩაძეს ორი იძულებითი ცვლილება მოუწია: ჯოვინო ფლამარიონსა და ხვიჩა კვარაცხელიას ფეხი ეტკინათ, თამაში ვერ გააგრძელეს.
ბათუმის დინამო ლიდერია და 4 ქულით უსწრებს მეორეადგილოსან დილას, ხოლო სიონი ბოლოსწინაზეა, მაგრამ ბოლო პერიოდში კარგ ფორმაშია: 5-მატჩიანი წაუგებელი სერია აქვს.
თელავმა შინ 5:0 მოუგო უქულო ლოკომოტივს. ორი გოლი იმედა აშორტიამ გაიტანა, თითო გოლი კი გურამ გოშთელიანმა და ბიძინა მახარობლიძემ მიამატეს. მეორე ტაიმში კიდევ ერთი ბურთი გავიდა: ლაშა ქოჩლაძის დარტყმული ბურთი ჯერ ხარიხას მოხვდა, მერე ლოკომოტიველთა მეკარე სოსო კოპალიანს და ასე შევარდა კარში.
საინტერესოა, რომ აშორტიასთვის, გოშთელიანისთვის და მახარობლიძისთვის ეს სადებიუტო გოლები იყო სეზონში.
