ცხინვალი ზამთრის თასის გამარჯვებულია!

ზამთრის თასი 2019 სანახაობრივი ფინალური შეხვედრით დასრულდა. თბილისის ოლიმპიურ სასახლეში გამართულ გადამწყვეტ შეხვედრაში ერთმანეთს "ცხინვალი" და თბილისის "დინამო" დაუპირისპირდნენ. მატჩი გარდამავალი უპირატესობით წარიმართა და ცხინვალელთა გამარჯვებით, 3:1 დასრულდა. 

ანგარიში მე-4 წუთზე გიორგი ქურდაძემ გახსნა, ცხინვალელთა შემტევმა ძლიერი დარტყმით მეკარისაგან ახლო კუთხეში გაიტანა. მალევე "ცხინვალის" უპირატესობა ორ ბურთამდე გაიზარდა, მე-8 წუთზე მეტოქის კარი ლევან ქურდაძემ აიღო. პირველ ტაიმში რამდენიმე რეალური საგოლე მომენტი ორივე გუნდის კართან შეიქმნა მაგრამ ანგარიში არ შეცვლილა. დინამოელებმა ანგარიშში სხვაობის შემცირება მეორე ნახევარში შეძლეს, მე-15 წუთზე შედეგიანი დარტყმა ელგუჯა ჯანგველაძემ შეასრულა. გატანილი გოლის შემდეგ დედაქალაქელებმა აქტიურად შეტევა სცადეს, მაგრამ მე-17 წუთზე საკუთარ კარში კიდევ ერთი გოლი მიიღეს და საბოლოო შედეგიც დაფიქსირდა - 3:1 "ცხინვალის" სასარგებლოდ.

ცხინვალი 3:1 დინამო თბ

გოლები: 1:0 გ. ქურდაძე (4), 2:0 ლ. ქურდაძე (8), 2:1 ჯანგველაძე (15), 3:1 ლ. ქურდაძე (17)

ფინალურ შეხვედრამდე თბილისის ოლიმპიურ სასახლეში მატჩი მესამე ადგილისთვის გაიმართა, სადაც ერთმანეთს თბილისის "ლოკომოტივი" და "რუსთავი" შეხვედნენ. უხვგოლიანი შეხვედრის ძირითადი დრო ფრედ - 6:6 დასრულდა, პენალტები კი, უკეთ რუსთაველებმა შეასრულეს და 4:2 გაიმარჯვეს.

ლოკომოტივი 6:6 რუსთავი

გოლები: 0:1 სილაგაძე (3), 1:1 ჯიქია (6), 1:2 სილაგაძე (7), 1:3 კიტეიშვილი (9), 2:3 კიკაბიძე (9), 3:3 კიკაბიძე (10), 4:3 გურეშიძე (12), 4:4 სილაგაძე (14), 5:4 კობახიძე (17), 5:5 კიტეიშვილი (19), 6:5 კიკაბიძე (20), 6:6 ციცქიშვილი (20)

ფინალური მატჩის დასრულების შემდეგ დაჯილდოების საზეიმო ცერემონიალი გაიმართა. გუნდებსა და ტურნირის გამორჩეულ მოთამაშეებს კუთვნილი ჯილდოები საქართველოს ფეხბურთის ფედერაციის გენერალურმა, მდივანმა დავით მუჯირმა გადასცა. ზამთრის თასი 2019-ის საუკეთესო ფეხბურთელი და ბომბარდირი "ცხინვალის" მოთამაშე ლევან ქურდაძე გახდა.